ಮೊಗ್ಗು ಬಿರಿದು ಹೂವಾಗುವುದಕೆ
ಹೂವು ಅರಳಿ ಕಾಯಾಗುವುದಕೆ
ಕಾಯಿ ಮಾಗಿ ಹಣ್ಣಾಗುವುದಕೆ
ಸಹನೆಬೇಕು ಬಾಳಿನೊಳಗೆ...
ಪುಟ್ಟ ಕಂದ ಬರಲು ಜಗಕೆ
ಮಧುರ ನಗೆಯ ಬೀರುವುದಕೆ
ತೊದಲುನುಡಿಯ ನುಡಿಯುವುದಕೆ
ಸಹನೆಬೇಕು ಬಾಳಿನೊಳಗೆ...
ಶ್ರಮವಪಟ್ಟು ಓದುವುದಕೆ
ಹೆಚ್ಚು ಅಂಕ ಪಡೆಯುವುದಕೆ
ಓಳ್ಳೆಹೆಸರ ಪಡೆಯುವುದಕೆ
ಸಹನೆಬೇಕು ಬಾಳಿನೊಳಗೆ...
ಒಲುಮೆಯನ್ನು ಹುಡುಕುವುದಕೆ
ಮಧುರ ಪ್ರೀತಿ ಪಡೆಯುವುದಕೆ
ಮನದಿ ಆನಂದ ಹೊಮ್ಮುವುದಕೆ
ಸಹನೆಬೇಕು ಬಾಳಿನೊಳಗೆ...
ಪಕ್ಷಿಗೊಡ ಕಟ್ಟುವುದಕೆ
ಹೆಕ್ಕಿ ಕಡ್ಡಿ ತರಲು ಅದಕೆ
ಹೆಣ್ಣ ಪ್ರೀತಿ ಪಡೆಯುವುದಕೆ
ಸಹನೆಬೇಕು ಬಾಳಿನೊಳಗೆ...
ಬೀಜ ಗಿಡವಾಗುವುದಕೆ
ಗಿಡವು ಮರವಾಗುವುದಕೆ
ತಂಪನೆರಳ ನೀಡಲದಕೆ
ಸಹನೆಬೇಕು ಬಾಳಿನೊಳಗೆ...
ಚದುರಂಗವ ಆಡುವುದಕೆ
ದಾಳಗಳನು ನಡೆಸುವುದಕೆ
ವಿಜಯವನ್ನು ಸಾಧಿಸುವುದಕೆ
ಸಹನೆಬೇಕು ಬಾಳಿನೊಳಗೆ...
ಜೀವನವ ನಡೆಸುವುದಕೆ
ಬಾಳಿನೊಲುಮೆ ಕಾಣುವುದಕೆ
ಸಾರ್ಥಕ ಜೀವನ ಕಾಣುವುದಕೆ
ಸಹನೆಬೇಕು ಬಾಳಿನೊಳಗೆ...
5 comments:
lo lo lo baddetadde, enla Superro superro....Sahane bagge tumbaa chennagi bardiddiyaa kanla...I am proud to be ur friend.....
abba yestu sahane idru saldu jevanadalli tumba chennagide.... innu beleyabeku nin baravanige..... pachu all the best
gud poem... bahala arthagarbhitavaagide... keep it up...
ಪುಟ್ಟ ಕಂದ ಬರಲು ಜಗಕೆ
ಮಧುರ ನಗೆಯ ಬೀರುವುದಕೆ
ತೊದಲುನುಡಿಯ ನುಡಿಯುವುದಕೆ
ಸಹನೆಬೇಕು ಬಾಳಿನೊಳಗೆ...
adbhutha saalugalu[:)] keep writing...
Post a Comment