ಸ್ನೇಹಿತರೇ, ನಾನು ಹುಟ್ಟಿ ಬೆಳೆದಿದ್ದು ಮೈಸೂರಿನಲ್ಲಿ. ನಮ್ಮೂರಿನ ಬಗ್ಗೆ ಎಲ್ಲಾಕನ್ನಡಿಗರಿಗೂ ಗೊತ್ತು. ಆದರೂ ನಾನು ನನ್ನ ಈ ಚಿಕ್ಕ ಕವನದಲ್ಲಿ ಅದರ ಸೌಂದರ್ಯವನ್ನ ವರ್ಣಿಸೊದಕ್ಕೆ ಪ್ರಯತ್ನ ಮಾಡಿದ್ದೀನಿ. ನಾನಿಲ್ಲಿ ನಮ್ಮ ಊರಿನ ಎಲ್ಲಾ ಪ್ರವಾಸಿ ತಾಣಗಳನ್ನ ಚಿತ್ರಿಸಲು ಆಗಿಲ್ಲದುದಕೆ ನಿಮ್ಮ ಕ್ಷಮೆ ಇರಲಿ......
***************************************************************
ನಾ ಹುಟ್ಟಿ ಬಂದದ್ದು ಮೈಸೂರಿನಿಂದ
ಹೇಳುವೆನು ನಿಮಗೆ ನಮ್ಮೂರ ಚೆಂದ...
ಕರುನಾಡ ಸಾಂಸ್ಕೃತಿಕ ರಾಜಧಾನಿಯಿದು
ಸಂಸ್ಕೃತಿಯ ಸಾಹಿತ್ಯದ ನೆಲೆಬೀಡಿದು...
ನೋಡಬನ್ನಿರಿ ನೀವು ಚಾಮುಂಡಿ ಬೆಟ್ಟವನು
ನಂದಿಯೂ ನಿಮಗಾಗಿ ಕಾದು ಕುಳಿತಿಹನು...
ಬೆಟ್ಟದ ತಪ್ಪಲಿನಲಿ ನಲೆದಿರುವ ಪಕ್ಷಿಗಳ ತಾಣ
ಅದುವೇ ನಮ್ಮ ಸುಂದರ ಕಾರಂಜೀ ಕೆರೆಯ ಬಿನ್ನಾಣ...
ಇತ್ತಬನ್ನಿರಣ್ಣ ಮೃಗಾಲಯಕೆ ಪಯಣ
ತೋರುವುದು ನಿಮಗೆ ಪ್ರಾಣಿ ಪ್ರಪಂಚವನ್ನ...
ಮುಂದೆ ಸಾಗಿ ನೋಡಿರಿ ನಮ್ಮ ರಾಜರ ಮನೆಯು
ಅದುವೆ ನಮ್ಮ ಊರಿನ ಚೆಂದದ ಅರಮನೆಯು...
ಅಲ್ಲಿಗೇ ಮುಗಿದಿಲ್ಲ ನಿಮ್ಮಯ ಪಯಣ
ಮುಂದಿನ್ನೂ ಕಾದಿಹುದು ಹಲವು ತಾಣ...
ಹಾಗೆ ಬನ್ನಿರಿ ನಮ್ಮ ಜಗನ್ಮೋಹನ ಅರಮನೆಗೆ
ಚಿತ್ರಕಲಾ ವೈಭವದ ಲೋಕದಿ ವಿಹರಿಸಲಿಕ್ಕೆ...
ಸಂಜೆಯಾಯಿತೆಂದರೆ ನೋಡು ಕೃಷ್ಣರಾಜ ಸಾಗರವ
ಬಣ್ಣಿಸಲು ಸಾಲದೀ ಕವನ ಅದರ ಅಪರಿಮಿತ ಅಂದವ...
ನೋಡಬೇಕು ನೀವು ಅದರ ನೃತ್ಯ ಕಾರಂಜಿಯನು
ಮೈಮರೆವಿರಿ ನೀವು ನಿಮ್ಮ ದುಗುಡ ದುಮ್ಮಾನವನು...
ಸಾಲುತಿಲ್ಲವೆನಗೆ ಈ ಸಣ್ಣ ಕವನವು
ವರ್ಣಿಸಲು ಎನಗೆ ನಮ್ಮ ಚೆಂದದ ಊರನು...
ಬನ್ನಿರೆನ್ನ ಮಿತ್ರರೇ ನಿಮ್ಮ ಗೆಳೆಯರೊಡಗೂಡಿ
ನನ್ನೂರು ನಿಮಗೆ ಮಾಡುವುದು ಮೋಡಿ...
6 comments:
ತುಂಬ ಚೆನ್ನಾಗಿ ಮೂಡಿ ಬಂದಿದೆ ಕವನ....,ಮ್ಯೆಸೂರನ್ನು ಇನ್ನೋಮ್ಮೆ ನೋಡೀದಂತಾಯಿತು!
mysore bagge idakkinta ineenu hechge helokagutte.good one
ಮೈಸೂರಿನ ಬಗ್ಗೆ ಒಳ್ಳೆ ಕವನ ನೀಡಿದ್ದಕ್ಕೆ ಧನ್ಯವಾದಗಳು.ಮೈಸೂರಿನ ಬಗ್ಗೆ ಇನ್ನು ಹೆಚ್ಚಿನ ಕವನಗಳನ್ನು ತಾವು ಬರಿಯ ಬೇಕೆ೦ದು ನನ್ನ ಕೋರಿಕೆ.
computer munde kuLithene mysore na darshana (free of cost) maaDisidakke dhanyavaadagaLu..
A oorina aneka prekshaNIya sThaLa gaLanna thorisideeri..
chennagi mooDi bandide
tumbaa chennagi nammurannu bannisidhiri.... dhanyavaadhagalu
kavanagalu tumba chennagive.......
keep up the good work.
Post a Comment