ಎದೆಯಾಳದಿಂದ ನೆನಪುಗಳನ್ನ ಹೆಕ್ಕಿಕೊಂಡು ಕುಳಿತಿದ್ದೇನೆ
ನೆನಪುಗಳನ್ನ ನೆನಪುಗಳಿಂದ ಸಿಂಗರಿಸ ಹೊರಟಿದ್ದೇನೆ
ಬಾಲ್ಯದಿಂದ ಬೆನ್ನಟ್ಟಿ ಬಂದ ನೆನಪುಗಳು
ಯೌವ್ವನದಲ್ಲೂ ನನ್ನ ಕಾಡುತ್ತಲಿವೆ
ಅಂದು ಪುಸ್ತಕದೊಳಗಿಟ್ಟ ಮಲ್ಲಿಗೆಯ ಪರಿಮಳವ ಇಂದು ಆನಂದಿಸುತ್ತಿದ್ದೇನೆ
ತುಸು ಕೋಪದಿ ಹರಿದ ಆ ಪುಟಗಳ ಕಂಡು ಇಂದು ಪರಿತಪಿಸುತ್ತಿದ್ದೇನೆ
ನೆನಪಿನ ಜಾತ್ರೆಯಲಿ ನನ್ನ ನಾ ಕಳೆದುಕೊಂಡು
ನೆನಪಿನ ಸಾವಿರ ಕಣ್ಣುಗಳಿಂದ ಹುಡುಕುತ್ತಿದ್ದೇನೆ
ನೆನಪಿನ ಲೇಖನಿಯಿಂದ ನನ್ನದೇ
ಚಿತ್ರವನ್ನು ಬರೆಯುತ್ತಿದ್ದೇನೆ ಬಣ್ಣ ತುಂಬುತ್ತಿದ್ದೇನೆ
ಬರಡಾದ ಮನದಿ ನೆನಪಿನ ಮಳೆಯ ಸುರಿಸಿ
ಕನಸಿನ ಬೀಜವನ್ನು ಬಿತ್ತಿ ಚಿಗುರನ್ನು ಬೆಳೆಸುತ್ತಿದ್ದೇನೆ
ಚಿಗುರನ್ನು ಹೆಮ್ಮರವಾಗಿಸಿ ಅದರ ನೆರಳಲ್ಲಿ ಕುಳಿತು
ಕನಸು ನನಸಾಗುವುದನ್ನು ಕಾಣಹೊರಟಿದ್ದೇನೆ...
Thursday, March 13, 2008
Tuesday, March 11, 2008
ನಿನಗಾಗಿ
ನಾ ನಿನಗಾಗಿ ನಿನ್ನ ದಿನವ
ಬೆಳಗುವ ಸೂರ್ಯನಾಗಬೇಕಿದೆ
ನಾ ನಿನಗಾಗಿ ಇರುಳಿನಲಿ
ಕತ್ತಲೆಯ ಓಡಿಸುವ ಚಂದಿರನಾಗಬೇಕಿದೆ,
ನಾ ನಿನ್ನಲಿರುವ ದುಃಖ ದುಮ್ಮಾನವನು
ಹೊತ್ತೋಯ್ಯುವ ನದಿಯಾಗಬೇಕಿದೆ,
ನಾ ನಿನ್ನಜೊತೆ ಜೊತೆಯಲಿ
ಹೆಜ್ಜೆಯಿಡುವ ನೆರಳಾಗಬೇಕಿದೆ,
ನಾ ನಿನ್ನ ಪ್ರೀತಿ ಪಡೆಯಬೇಕಿದೆ,
ನಿನ್ನೋಂದಿಗೆ ನಡೆಯಬೇಕಿದೆ
ದೂರ ಬಲು ದೂರ ಸಾಗಬೇಕಿದೆ
ನಾ ನಿನ್ನೊಳು ಬೆರೆಯಬೇಕಿದೆ
ನಾ ನಿನ್ನ ಕಾಣದಿದ್ದರೇನು,
ನಿನ್ನಯ ಸ್ಪರ್ಶವ ಕಂಡಿಹೆನು
ನೀ ಬರುವೆ ತಂಗಾಳಿಯ ನಡುವೆ ತೇಲುತಾ,
ಮನಕೆ ಮುದವ ನೀಡುತಾ
ನೀಲಿಗಗನದಿ ತೇಲುವ ಮೇಘಮಾಲೆಯ
ನಡುವೆ ನಾ ಕಾಣುವೆ ನಿನ್ನಯ ಚಿತ್ತಾರವ
ಇರುಳಿನ ತಂಪಾದ ಸಮಯದಲಿ ನಾ ಕಾಣುವೆ
ನಿನ್ನಯ ಚಂದವನು ಆ ಚುಕ್ಕಿಗಳ ಸೇರಿಸುತ...
ಬೆಳಗುವ ಸೂರ್ಯನಾಗಬೇಕಿದೆ
ನಾ ನಿನಗಾಗಿ ಇರುಳಿನಲಿ
ಕತ್ತಲೆಯ ಓಡಿಸುವ ಚಂದಿರನಾಗಬೇಕಿದೆ,
ನಾ ನಿನ್ನಲಿರುವ ದುಃಖ ದುಮ್ಮಾನವನು
ಹೊತ್ತೋಯ್ಯುವ ನದಿಯಾಗಬೇಕಿದೆ,
ನಾ ನಿನ್ನಜೊತೆ ಜೊತೆಯಲಿ
ಹೆಜ್ಜೆಯಿಡುವ ನೆರಳಾಗಬೇಕಿದೆ,
ನಾ ನಿನ್ನ ಪ್ರೀತಿ ಪಡೆಯಬೇಕಿದೆ,
ನಿನ್ನೋಂದಿಗೆ ನಡೆಯಬೇಕಿದೆ
ದೂರ ಬಲು ದೂರ ಸಾಗಬೇಕಿದೆ
ನಾ ನಿನ್ನೊಳು ಬೆರೆಯಬೇಕಿದೆ
ನಾ ನಿನ್ನ ಕಾಣದಿದ್ದರೇನು,
ನಿನ್ನಯ ಸ್ಪರ್ಶವ ಕಂಡಿಹೆನು
ನೀ ಬರುವೆ ತಂಗಾಳಿಯ ನಡುವೆ ತೇಲುತಾ,
ಮನಕೆ ಮುದವ ನೀಡುತಾ
ನೀಲಿಗಗನದಿ ತೇಲುವ ಮೇಘಮಾಲೆಯ
ನಡುವೆ ನಾ ಕಾಣುವೆ ನಿನ್ನಯ ಚಿತ್ತಾರವ
ಇರುಳಿನ ತಂಪಾದ ಸಮಯದಲಿ ನಾ ಕಾಣುವೆ
ನಿನ್ನಯ ಚಂದವನು ಆ ಚುಕ್ಕಿಗಳ ಸೇರಿಸುತ...
Subscribe to:
Posts (Atom)