ಶ್ರಮಜೀವಿ

ಇವನ ನೋಡು ಶ್ರಮಜೀವಿ ಬೆವರ ಸುರಿಸಿ ದುಡಿವನು
ಬಿಸಿಲು ಮಳೆಯ ಲೆಕ್ಕಿಸದೇ ಒಂದೇಸಮನೆ ದುಡಿವನು...

ಹೊರಟನೋಡು ಗಾಡಿಹಿಡಿದು ಪುಡಿಗಾಸಿನ ದುಡಿಮೆಗೆ
ಇಂದಿನ ದಿನ ಹೇಗೋ ಏನೋ ?? ದುಗುಡವಿದೆ ಮನಸಿಗೆ...

ದಿನಕೆ ಒಂದೇ ಕೆಲಸವೆಂಬ ತಡೆಯು ಇಲ್ಲ ಇವನಿಗೆ
ದಿನಪೂರ್ತಿ ದುಡಿದರೊ ಸಾಲದಾಯ್ತು ಬದುಕಿಗೆ...

ಇರುವುದೊಂದೇ ಪುಟ್ಟ ಸೂರು ಜೀವನಕೆ ಆಧಾರ
ಮಳೆಗೆ, ಚಳಿಗೆ ಬಿರುಬೇಸಿಗೆಗೆ ಮುರುಕು ಮಾಡೇ ಚಪ್ಪರ...

ಹರುಷವಿರಲಿ ದುಃಖವಿರಲಿ ಈತ ದುಡಿಯಬೇಕಿದೆ
ಇವನ ಮಡದಿ ಮಕ್ಕಳನ್ನು ಇವನು ಸಾಕಬೇಕಿದೆ...

ಇರುವುದೊಂದೇ ಇವನ ಪಾಲು ನೆಮ್ಮದಿಯ ಜೀವನ
ಸಿರಿವಂತರ ಚಿಂತೆಯಿಂದ ಮುಕ್ತ, ಬದುಕು ಪಾವನ...