ಹೊರಟಿತೊಂದು ಹಕ್ಕಿ ತನ್ನ ಗೂಡಕಟ್ಟಲು
ತನ್ನ ಗೆಳತಿಗಾಗಿ ಒಂದು ಮನೆಯ ಮಾಡಲು…
ಹಕ್ಕಿ ಗೂಡಕಟ್ಟಲೊಂದು ಮರವ ಆರಿಸಿ
ಮತ್ತೆ ತನ್ನ ಪ್ರೇಯಸಿಯ ಮನವ ಒಲಿಸಿ…
ಈ ಹಕ್ಕಿ ಕಷ್ಟಪಟ್ಟು ಕಡ್ಡಿಗಳ ತರಲು
ತನ್ನ ಗೂಡಿನ ಸವಿಗನಸ ಕಾಣುತಲಿರಲು…
ಮೇಲೆ ಹಾರಿ ಆಗಸದಿ ತೂರಿ ಕನಸುಗಳ ಮಾಲೆ ಜೋಡಿಸಿ
ದೂರ ದೂರದಿಂದ ತಂದ ಕಡ್ಡಿಗಳ ಜೋಡಿಸಿ…
ಮರದಮೇಲೆ ಕಟ್ಟಿತೊಂದು ಗೂಡನು ಹಕ್ಕಿ
ಕಷ್ಟಪಟ್ಟು ತಂದ ಕಡ್ಡಿಗಳ ಹೆಕ್ಕಿ ಹೆಕ್ಕಿ…
ತನ್ನ ಮನೆಯ ತನ್ನ ಮರಿಯ ಕನಸ ಕಾಣಲು
ಆದರೇನು ವಿಧಿಯ ಆಟ ಬೇರೆಯೇ ಇರಲು…
ಭೂಮಿಯಂಚಿನಿಂದ ಗಾಳಿ ಬೀಸುತ ಬರಲು
ಗಾಳಿ ಮಳೆಗೆ ಛಿದ್ರವಾಯ್ತು ಹಕ್ಕಿಯ ಗೂಡು…
ಸಿಡಿಲಿನಬ್ಬರಕೆ ಬಲಿಯಾಯ್ತು ಹಕ್ಕಿಯ ಗೂಡು
ಪಾಪ ಹಕ್ಕಿ ಕಂಡ ಕನಸಾಯ್ತು ನುಚ್ಚುನೂರು…
ಆದರೇನು ಬಿಡದೆ ಛಲವ ಹಕ್ಕಿ ಹಾರಿತು
ಅದರ ಗೆಳತಿಯೊಡನೆ ಸೇರಿ ಗೂಡ ಕಟ್ಟಿತು…
ಗಾಳಿ ಮಳೆಗೆ ಅಳುಕದಂತ ಗಟ್ಟಿ ಗೂಡದು
ಮಧುರ ಒಲುಮೆ ಪ್ರೀತಿ ಬೆರೆತ ದೊಡ್ಡ ಗೂಡದು…
1 comment:
ittechege kela dinagalalli odida atyutthama kavanagalalli ondu ee poem...
This man seems to be awesome with unbelievable talent....Hope for a great banyan tree in the ground of literature...
Please continue ....U r awesome..!
Post a Comment