ಕನಸುಗಳ ಮಳೆಯಲ್ಲಿ

ಕನಸುಗಳ ಮಳೆಯಲ್ಲಿ ನಾ ಮಿಂದು ಬಂದೆ
ನಿಮ್ಮಗೆಲ್ಲ ನಾಕಂಡ ಕನಸನ್ನು ಹಂಚಲೆಂದೆ...

ಕಂಡೆನಾ ಕನಸೊಂದ ಮಧ್ಯರಾತ್ರಿಯಲಿ
ಗುಬ್ಬಿಗಳ ಸವಿಗಾನ ನಮ್ಮ ಊರಿನಲಿ...

ಕಂಡೆನಾ ಕನಸೊಂದ ಬೆಳಗಿನ ಜಾವದಲಿ
ಕೆರೆ ಕಟ್ಟುವ ಯತ್ನ ಮರುಭೂಮಿಯಲಿ...

ಕಂಡೆನಾ ಕನಸೊಂದ ಪೂರ್ಣ ಬೆಳದಿಂಗಳಲಿ
ಬೆಳೆದಿತ್ತು ಹಸಿರಸಾಲು ನಮ್ಮ ನಗರದಲಿ !!!

ಕಂಡೆನಾ ಕನಸೊಂದ ಪ್ರಶಾಂತ ಇರುಳಿನಲಿ
ಸಿಕ್ಕಿದಹಾಗೆ ಪೂರ್ಣ ಶುದ್ಧ ಜಲ ಗಂಗಾನದಿಯಲಿ...

ನಾ ಕಂಡೆ ಕನಸೊಂದ ಬೆಚ್ಚನೆಯ ಹಾಸಿಗೆಯಲಿ
ಪಡೆದಿದ್ದೆ ಶುದ್ಧ ವಾಯು ನಮ್ಮ ಊರಿನಲಿ...

ಆಗಲಿ ನಾಕಂಡ ಕನಸೆಲ್ಲ ನನಸು
ಸುಂದರವಾಗಲಿ ನಮ್ಮೆಲ್ಲರ ಬಾಳು, ಬದುಕು...