ಎದೆಯಾಳದಿಂದ ನೆನಪುಗಳನ್ನ ಹೆಕ್ಕಿಕೊಂಡು ಕುಳಿತಿದ್ದೇನೆ
ನೆನಪುಗಳನ್ನ ನೆನಪುಗಳಿಂದ ಸಿಂಗರಿಸ ಹೊರಟಿದ್ದೇನೆ
ಬಾಲ್ಯದಿಂದ ಬೆನ್ನಟ್ಟಿ ಬಂದ ನೆನಪುಗಳು
ಯೌವ್ವನದಲ್ಲೂ ನನ್ನ ಕಾಡುತ್ತಲಿವೆ
ಅಂದು ಪುಸ್ತಕದೊಳಗಿಟ್ಟ ಮಲ್ಲಿಗೆಯ ಪರಿಮಳವ ಇಂದು ಆನಂದಿಸುತ್ತಿದ್ದೇನೆ
ತುಸು ಕೋಪದಿ ಹರಿದ ಆ ಪುಟಗಳ ಕಂಡು ಇಂದು ಪರಿತಪಿಸುತ್ತಿದ್ದೇನೆ
ನೆನಪಿನ ಜಾತ್ರೆಯಲಿ ನನ್ನ ನಾ ಕಳೆದುಕೊಂಡು
ನೆನಪಿನ ಸಾವಿರ ಕಣ್ಣುಗಳಿಂದ ಹುಡುಕುತ್ತಿದ್ದೇನೆ
ನೆನಪಿನ ಲೇಖನಿಯಿಂದ ನನ್ನದೇ
ಚಿತ್ರವನ್ನು ಬರೆಯುತ್ತಿದ್ದೇನೆ ಬಣ್ಣ ತುಂಬುತ್ತಿದ್ದೇನೆ
ಬರಡಾದ ಮನದಿ ನೆನಪಿನ ಮಳೆಯ ಸುರಿಸಿ
ಕನಸಿನ ಬೀಜವನ್ನು ಬಿತ್ತಿ ಚಿಗುರನ್ನು ಬೆಳೆಸುತ್ತಿದ್ದೇನೆ
ಚಿಗುರನ್ನು ಹೆಮ್ಮರವಾಗಿಸಿ ಅದರ ನೆರಳಲ್ಲಿ ಕುಳಿತು
ಕನಸು ನನಸಾಗುವುದನ್ನು ಕಾಣಹೊರಟಿದ್ದೇನೆ...
No comments:
Post a Comment